प्रारब्ध

कोटयावधी जीवनांच्या अमीट वासना
चिकटल्या आहेत माझ्या मनाला
सुखाचा उन्माद , दू:खाचा आक्रोष

तृष्णेची ओढ़ , अत्रुप्तीचा क्रोध

अनिश्चित आयुष्याचे , क्षणिक भोग

अकल्पित प्रारब्धाचे , निर्दयी घाव

जीवनाचा संघर्ष घोर असूनही

न संपणारी जगण्याची हाव

जगण्याची आसक्ती , भोगांची ओढ़

अस्तित्वाच्या शोधाचे , अनंत सायास

जीवन म्हणजे सुखाच्या आशेने

दू:खाच्या वाटेवर चाललेला निरंतर प्रवास