पहिली रात्र

लग्नरात्री एकटीला खोलीत सोडलं मला

थरथर माझ्या काळजाची कशी सांगू तुला

घाम फुटला सर्वांगाला हलकेच आले पाशी

हनुवटीला हात लावला जणू मऊ उशी

म्हणले ज़रा बोला की ठेवा आमचा मान

ओठ माझे हलले तर केला ओठांचा कान

लाजून झाले चूरचूर भीती पळली कोठे

शब्दसकट टिपले ओठ मोहर अंगी फूटे

पुढच्या सा-या संवादाला फक्त सुरांची भाषा

शब्दामध्ये विचारू नकोस चावट तुझी आशा

तुला सांगते धन्याचा स्वभाव माझा खरा

सुर्याच्याही पोटात म्हणे असतो एक झरा